通常泰國菜都係大大碟，總係要三五成群一齊食先至開心！
還記得有一年，一班朋友在泰國的沙灘，吹著海風吃晚餐，係多麼寫意😌

橙象係一間泰國人主理嘅餐廳，無得去旅行🧳也要安慰下個胃❤️

✨泰式明爐烏頭
有冇諗過大大條烏頭魚，居然加一蚊就食到😆，係呀你冇眼花，只要逢星期一嚟到就有，佢嘅一蚊菜式，日日都唔同，而且個餐牌間中會更新，所以嚟之前最好打電話去問下，今日係邊款菜式先，比較好！
烏頭魚建議一滾就即刻食，啲魚肉會係最嫩嘅，個湯有鹹青檸、肉碎、冬菇絲、西芹、香茅，微酸，非常醒神開胃！

✨椰青海鮮焗飯
大大個椰青裏面，堆滿海鮮炒飯，有大蝦、鮮魷、粟米粒椰青肉、魚肉，材料非常豐富，上面佈滿椰漿，好似一個噴泉咁，無論外型同口感，都非常正，超級推介👍👍

😏幾飽都要食甜品，食泰國菜，點少得 芒果糯米飯，店家是用上傳統嘅呂宋芒，非常香甜，白糯米飯 煙煙韌韌 配上椰漿，而且成個份量豐富👍

❤️Orange Elephant Thai Restaurant (北角)
📍北角和富道21-53號和富中心地下G18B號舖