～好懷念有得去街嘅日子～

早排兩個小朋友扭爸爸帶佢地出街食， 爸爸梗係應承啦😆，兩個興奮到不得了，終於有得去街街，唔使日日食媽媽煮嘅餸菜了！

到達餐廳之後，兩個都俾餐廳嘅星星裝飾吸引住，好開心！媽媽我梗係負責叫嘢食啦😆

韓式豬腳 大盤，大約三至四人量
～大盤和小盤只係相差30蚊，所以大盤真係非常之抵食😍
滷豬手十分入味，同港式嘅分別係，韓式會比較甜，食落甘甘地嘅味道，表面灑上芝麻，配上沙律菜包住食，非常fresh！

DIY飯團
～配料有蟹子、紫菜，食落有少少麻油香，如果帶小朋友過嚟食，呢款係必叫，戴住手套，自己搓自己鍾意嘅大小飯團，送俾爸爸媽媽，開心又窩心！🥰