一直鍾意幫襯上樓小店，我鍾意地方大密度低，食嘢都放心啲！今次又來到Cafe Fabulous食西餐，呢度個set幾抵食，set for two 包一款小食兩款主食同埋兩款嘢飲，都係三百蚊左右，絕對親民👍

#芝士煙肉焗西蘭花🥦 呢度啲西蘭花熟得來仲keep到爽脆口感，係我鍾意嘅style，仲加咗勁多芝士同埋煙肉去調味，食落特別香口！

#卡邦尼意粉 卡邦尼醬夠曬creamy,掛滿每一條意粉，讓每一啖都能夠從舌尖感受到！仲有少少煙肉味，配搭爽口洋蔥，味道唔錯！

#焗自家製芝士肉醬意粉 肉醬落得非常大方重手，睇見都心心眼😍還有厚厚的一層芝士，這個組合真的沒可能不好吃吧！香甜嘅番茄醬和肉醬非常配搭，吃起來非常滋味！肉醬多個意粉多芝士多，連大胃王都可以滿足到呢！

#蜂蜜紅茶 #青蘋果綠茶 兩款茶類各有特色，我自己就好鍾意青蘋果綠茶好清新，隊友就鍾意蜂蜜綠茶好滋潤！







🔸餐廳資料 Cafe Fabulous (堂食)

地址： 旺角登打士街43H號登打士廣場9樓