冬季版skincare routine
我冬天的皮膚會好乾,但唔會乾到甩皮…但丅位+鼻都唔會再有油出,所以冬天的skincare都是補濕及滋潤為主.
圖上係日間skincare
圖下係夜間skincare!
大部分都同日頭一樣,只係轉左眼精華同眼霜.
～IPSA Clearup Lotion 2
呢隻用時要將上面嘅油同水mix埋,倒落化妝棉抹面,可以抹到d黃黃地嘅污糟野…上面嘅油一d都唔會笠,抹完仲有d滋潤感,冬天必備.
～Lancôme Genifique肌底液
由夏天用到冬天仲用緊,搽完皮膚會滑左保濕左,長期用皮膚係會穩定d.
～KGF原液
呢枝原液係上網買的,佢好似係可以幫助修復皮膚…但我冇乜野可以俾佢修復!我當佢補濕精華咁用,佢質地幾水,吸收得幾快!不過用曬唔會再買,冇乜特別!
～Clarins Enhancing Eye Lift Serum
呢枝serum質地係啫喱狀,好快吸收左啱朝早用～佢可以去浮腫提升眼皮同去黑眼圈,用左一排覺得幾好.呢枝夏天都可以用架!
～Canvas Firming Eye Concentrate
我雖然只係2x歲,但都有眼紋…所以我用嘅眼霜都係firming+減淡眼紋!呢隻個texture係唔笠嘅cream狀,有補濕,不過其他功效就睇唔到.
～Clarins Double Serum
呢隻大家應該都見過,吱出黎係油+水咁…我好鍾意呢枝,雖然佢有油但一d都唔笠,好快吸引…日頭用上妝會貼d,夜晚用分量多少少,起身皮膚會細緻左又滑左!超推介呢枝.
～肌研極潤化妝水
好簡單只係補濕的化妝水,佢係有少少厚身,要俾d時間佢吸收!
～Shiseido Wrinkle Resist24 eye cream
我呢d乾眼人夜晚一定要用d滋潤度夠的眼霜,呢隻質地好厚,用時攞少少分量已經足夠,佢係會好笠好潤,但我用完又冇生油脂粒,算幾好.
～Estee Lauder Advanced Night Repair Eye Serum
呢枝serum又係由夏天用到冬天,我覺得佢真係減淡到d細紋,又唔會笠,係好好嘅眼精華.
#冬季#護膚品#skincareroutine