ɢɪᴇɴɴᴇ ᴛsᴜɪ sᴋɪɴᴄᴀʀᴇ
超長文，真心好用先打咁多字... 一直都尋覓緊最適合自己嘅護膚產品，但係奈何都仲未搵到perfect match，早幾日去完Gienne嘅鋪頭，覺得好impressed，店內所有嘅產品都係佢自己現在，有時甚至會tailor-made一啲配方畀客人，務求幫到每個客人解決皮膚問題。

佢哋呢度嘅宗旨係幫你「Visibly improve your skin in 7 days」，我超期待😍 Gienne睇完我嘅皮膚狀況，推介咗成個skincare routine嘅產品畀我，日夜都只係相差個面霜，簡單易記。

我係乾到出油，Gienne推介我用以下routine：

1️⃣抗敏卸妝潔顏油可用嚟卸妝同洗面，香港嘅天氣又焗又潮濕，令到我唔係好鍾意用油嚟護膚，但呢款洗完一啲黏笠感都無，好神奇。

2️⃣黑珍珠深層清潔磨砂，呢個每隔幾日用，佢性質好mild，用體溫可以將啲黑糖粒溶得更細，成分仲包括有幾種油，邊磨邊補充營養，滋潤肌膚。另外，佢不含膠粒，唔會對環境造成負荷。

3️⃣Soothing Hydra Essence Mist / 有機薰衣草花水 (噴霧)，前者有蠟菊成分，可以補水之餘，亦有舒緩作用。如果要妝後補水，就用後者，作同時有作收毛孔，同埋恢復水油平衡。

4️⃣全效加強修護肌底液，呢個真係不得了，佢係採用人蔘萃取液，搽上面嘅時候濃到好似十幾粒人蔘糖咁，好豪華，搽完佢可以加強後續護膚品嘅功效。

5️⃣ (日用) 自然密約精華素，可以調整水油平衡，又可以改善水腫，朝早都搽油我都有啲擔心，但係按按吓就吸收哂。
5️⃣ (夜用) 和諧舒心精華素，因為Gienne見我準備步入中女年紀，皮膚開始有啲敏感，就建議我夜晚用呢款精華，可以改善敏感，我泛紅位置搽完，第二朝起身已經退紅。

6️⃣ (日用) 全效加強修護面霜，較透薄嘅質地可幫助滋養同修復皮膚。
6️⃣ (夜用) 多重修護睡眠保護膜，呢個成個豬油膏嘅嘢，我從來無諗過自己會搽呢啲嘢上臉，Gienne同我保證完會有驚喜，估唔到第二朝，全部都吸收哂，無油光滿臉不特只，仲容光煥發咁，又無起粒粒，好堅。

暫時用咗幾日，皮膚已經有睇得到嘅改善，細嫩咗、有光澤咗，好期待用耐啲嘅效果。
⁣
📍Gienne Tsui Skincare (#mandy_中環)
中環德輔道中68號萬宜大廈商埸202店
⁣
#mandy_beauty