📍 雲魅

旺角彌敦道726一向出名多野食，朋友推薦左一間新開嘅餐廳，係食正宗雲南米線🍜。leighleigh一向都係米線控。一於就試試佢。
➖➖
📌
餐廳淨係提供4款套餐，有豪華米線配料， 幾款特色湯底。 姐姐會教你按次序將食物加入湯，枱面都有提示牌建議加入食材嘅先後次序。
➖➖
📌文山精緻配料配香辣湯 $108
C先生揀左文山精緻配料，有酥肉、炸醬、鵪鶉蛋、蝦、響鈴、帶子、蟲草花、粟米、芫荽蔥、酸菜同豬腩肉，超級豐富。湯底用石鍋裝住，加熱後送上枱，要快d落左肉類同鵪鶉蛋。咁樣熱力先會令食材煮熟。湯底香辣令到米線索左辣味，有蝦同帶子都幾爽口彈牙。
➖➖
📌昆明風味配料配雲魅特色湯 $88
leighleigh揀左昆明風味配料配雲魅特色湯，有鵪鶉蛋、魚腐、餐肉、酥肉、炸醬、響鈴、酸菜、粟米、蕃茄仔、芫荽蔥同牛肉。比較干平民化既選擇，有最愛的魚片。 雲魅特色湯其實係酸辣湯，味道偏酸少少，比較淡口味，適合唔食辣嘅朋友。倒入所有配料後唔會覺得單調。
➖➖
📌 涼拌萵荀絲 $38
就係想像中既味道。帶少少酸味，加上花生增添口感，好開胃
➖➖
地址：旺角彌敦道724-726號18樓
-
推介指數👍🏻👍🏻👍🏻👍🏻
抵食指數👍🏻👍🏻👍🏻👍🏻