以前以為中環蘭桂坊呢邊，淨係得酒吧，原來呢間係酒吧+泰國菜嘅餐廳😍

一入到黎已經俾隊Band吸引咗，一個主音+3個樂手，非常吸引眼球，現場氣氛十分高漲， 令我都想唱埋一份😆

今日朋友order左

泰式生蝦
～有六大隻虎蝦，賣相已經非常吸引，每一隻蝦，都裝着係一隻小酒杯度，浸住醬汁，呢隻蝦更加入味，食落更鮮甜爽口，非常推介👍

豬肉生菜包
～香茅同肉碎混合得啱啱好，食落有泰式醬汁嘅味道，好開胃！

泰式炒金邊粉
～呢款逢泰國菜必食嘅炒粉，叫pad thai，由豆腐乾、芽菜、豬肉絲炒成，味道甜甜地，表面鋪咗好多花生碎，啖啖食落都好有口感！

沙嗲串燒
～呢度嘅串好得意，原本燈光暗暗地，我都分唔到邊件，第來一食落去，有兩條係叉燒😆，真係好新穎！叉燒再點沙嗲汁一齊食，又出奇地夾，而且口感嫩滑！

呢度充滿氣氛，不失為一個談天說地，同朋友聚會嘅好地方👍👍

梅蘭菊竹 (中環)
中環蘭桂坊雲咸街29號LKF 29地下及1樓