CATRICE HD LIQUID COVERAGE FOUNDATION
今日分享前幾日買到既CATRICE HD LIQUID COVERAGE FOUNDATION大部分人應該比較熟悉佢個Concealer PaletteFoundation 真係比較小見有人分享 但係 佢絕對係件寶物
.
佢總共有4隻色，由於我係買現貨，個賣家得2隻色 - 10 Light Beige & 20 Rose Beige，咁我之前唔小心買過其他牌子帶粉既粉底，所以我今次買左 10 Light Beige(其實我都怕佢太淺色 太白)
.
佢既設計係同精華液滴管一樣，半Bump就已經夠，好似我咁面大既人都唔怕 所以份量唔洗多
.
質地帶有小小流質，但其實上面最好係搽半邊面先，因為佢比較快乾，我試過成面平均上哂，推完右邊，左邊有小小難推(但都推到)。
.
每年秋冬，我肌膚會由混油變混乾，我係妝前搽番一個好普通既保濕精華打底就夠，面係無搽任何保濕Primer。
.
可以睇第五張圖，左邊係用左CATRICE FOUNDATION & PRIMER (其實佢Primer唔係好做到遮毛孔效果)，右邊面係好明顯既毛孔粗大(抱歉，可能燈線問題，未必清楚)，但上完妝毛孔係遮左8-9成，修飾得毛孔係幾靚。
.
我平時係好鍾意用RT SPONGE 上妝，但如果用呢支粉底，我會比較鍾意用掃，用掃會易推開，而且Coverage比較高，遮到面珠泛紅位置，用Sponge只會令遮瑕度大大減低！我無係黑眼圈位置Build up過，薄薄一層大概遮到4成左右
.
佢呢支而家用唔笠身，對我黎講可能春夏可能要係T ZONE同鼻翼位置輕輕定妝，但持久度係幾好可以Hold到8-9個小時。而呢啲時候，我無落碎粉，但過左8-9小時先有微微岀油，11.5小時後，妝容係好靚，小小奶油肌效果，又唔會好似油光滿面，又無乜點甩妝
.
總括
呢支粉底係平靚正，基本遮泛紅，均勻膚色都無問題，粉底顏色黎講，正常膚色都用到呢隻10 Beige，妝效係自然Matte身 .
對我黎講(夏: 混油，秋: 混乾)，一年四季都用得著，但秋冬我一定要搽個保濕精華，因為試過無用精華，6-7個鐘後鼻翼有微微乾，但搽左精華就無問題，9個鐘仍然好靚！
.
如果肌膚較乾人士可能要搽左護膚品或保濕Primer，冬天都用到。而油肌可能夏天用控油Primer就ok
#CATRICEHDLIQUIDCOVERAGEFOUNDATION