疫情關係最近晚餐都係買外賣返屋企食，雖然係外賣，但係都可以食好啲！鍾意食韓國嘢食，咁啱餐廳做緊外賣八五折😍，就決定幫襯佢！

叫咗幾款嘢食開心share，呢度啲飯/意粉/漢堡包🍔全部都跟杯杯嘢飲🧃，價錢唔貴，份量都OK，都幾抵食！同埋原來店舖裝修超靚，天花板鋪滿花花，勁多打卡位，過咗限聚令要來堂食先得。

韓式牛肉飯味道唔錯，加入了大量洋蔥和生菜絲一齊炒，令到牛肉食落好香口，夠晒入味，肉質都好OK👍

隊友鍾意食泡菜五花腩飯，超級多泡菜一齊煮，味道酸酸辣辣勁開胃。薄切五花腩夾埋泡菜一齊食，感覺完全唔油膩，超爽口勁好送飯。

原條鰻魚burger亦都係勁吸引，外賣亦包得好好，可以keep到個burger冇扁到👍這款鰻魚食落甜甜地，再配埋蘑菇醬，勁香口。亦都好鍾意佢個包夠軟熟，同鰻魚好夾😆





My Ahjussi

地址: 大角咀大全街39號地舖