My night skincare products
因為上載圖片冇得跟次序♀所以大家如果要睇返件product要對名🙇🏻♀🙇🏻♀ 首先想講下呢排嘅皮膚狀況呀👩🏻

我近排都好夜訓，加上又係甘食油膩食物，而且依加夏天T-zone又成日出油😪所以額頭爆左好多暗粒. 至於兩邊面頰偏乾，近鼻翼兩邊毛孔略微粗大，一路都試緊吾同清潔皮膚嘅產品，以上就有幾款😉有興趣就睇落去啦👇🏻👇🏻

1. Dermacept vitamin C5 serum($315/10ml): 主要針對黑眼圈、眼紋、鬆弛眼肌等複合性眼圈問題。能促進血液循環, 改善眼部皮膚黑色素沉澱、黑眼圈問題；升級抗氧化效能促進膠原蛋白合成, 提升眼周肌膚彈性及預防鬆弛。(參考Dermacept官網) 👉🏻呢隻眼部精華我已經用左一段時間，感覺到眼紋的確有減淡到，而黑眼圈亦有改善，所以呢件產品我絕對會回購！😍

2. Arzt Skin Acne Dissloving Essence($198/10ml): 可去角質、消炎鎮定、溶解作用，抗菌抗氧化，溶解黑頭暗粒。👉🏻用左呢款產品並吾耐，但早晩用左大約一星期左右，見到黑頭同暗粒明顯會消退，好勁👍🏻

3. Kiehl’s Midnight Recovery Eye under eye treatment($330/15ml):可加強肌膚保護屏障，滋潤修護眼周肌膚，減淡幼紋，擊退眼部浮睡及黑眼圈，以深夜奇蹟修復精華露的天然成份為基底，再加上金雀花根部萃取，能促進眼周的微循環，降低發炎症狀，不含防腐劑、香料、礦物油或矽氧烷。(參考kiehl’s 官網) 👉🏻其實用左呢款product好耐，只能講呢款眼霜夠滋潤，用左佢冇再生眼紋，但一路只係用佢嘅時候啲眼紋都冇減少，一用Dermacept C5啲紋就淡左，所以功勞歸於Dermacept Vitamin C5 Serum👏🏻

4. Bioderma hydrabio Essence Lotion:保濕並幫助肌膚更容易吸收精華，主要係肌底液嘅用途。成份含有水楊酸，可減少老化角質，亦含維他命E，可抗衰老。👉🏻用左佢覺得皮膚比起之前較為穩定，冇甘容易出現吾好嘅狀態。但我吾會回購呢款產品，因為想發掘更多更好嘅產品介紹俾大家

5. Innisfree Jeju pomegranate Revitalizing Cream($218/50ml):配方中蘊含天然保濕成份細胞間脂質及卵磷脂有助保護肌膚，鞏固及維持細胞膜健康，提昇肌膚吸收營養及水分能力。(參考innisfree官網) 👉🏻自己本身對於韓國護膚品嘅印象都係一般，因為始終覺得香港同韓國天氣吾同，我地香港地濕度較高，而好多時韓國護膚品系香港用會覺得太滋潤，會起油脂粒，特別係夏天用佢，真係麻麻地。但佢香味的確令人好舒服，我會系夜晚開冷氣時用佢，買左吾想嘥左佢🙈但吾會再回購了🙅🏻♀

6. Medicube Zero Pore Pad($199):棉花材料含有AHA 果酸及 BHA 水楊酸成分，AHA 果酸有效改善膚質及平滑度，而BHA 水楊酸則能高度滲入毛孔中，平衡油脂和促進新陳代謝。 (參考my princessyoyo官網) 👉🏻用左佢都係大約一個星期左右，但毛孔冇再生新嘅暗粒，舊暗粒亦退緊，最重要嘅係，呢款產品真係超方便，一拎出黎就用得，吾洗特燈倒啲爽膚水落線到甘多工序，再加上一啲都唔貴，性價比好高👍🏻

7. Kiehl’s Clearly Corrective Dark Spot Solution($680/50ml): 持續使用能有效預防黑斑形成及色素沉澱，不含矽、paraben防腐劑及香料，不含色素及光擴散劑。(參考Kiehl’s 官網) 👉🏻呢枝已經係回購嘅第二枝，因為我真係超級無敵鍾意佢嘅質地，推開好水，好快吸收，朝早用都吾會覺得粒痴痴，我試過好多美白精華都會有好似吸收吾到嘅情況出現，而且用左佢之後就算曬黑左少少都好快白返，誠意推薦👍🏻

8. TAKAMI Skinpeel($385/30ml):有效改善肌膚嘅代謝，消除臉上多餘角質。軟化角質，從而改善肌膚乾燥、肌膚暗沈、提亮膚色。針對毛孔問題，角質軟化後可以去黑頭，收縮毛孔。帶有整肌的效果，不但可以有效地治療反復發痘等不健康肌膚，使肌膚回歸健康狀態。同時還可以增加皮膚的透明感。產品成分共包含了蘋果、檸檬、山楂、棗、葡萄柚等多種植物精華，也額外了添加PCA-Na。除此之外，這個護膚產品不含香料、色素及防腐劑。(參考zizilee.com) 👉🏻呢樣產品同樣吾係用左好耐，但用完同樣暗粒有消退嘅跡象，而且佢冇任何刺激嘅氣味，之前有用其他嘅潔膚水，但會有酒精嘅刺激味道，而且用完仲會覺得好乸😖所以搵啲防敏啦產品真係好重要！呢個嘅用法係要系洗完面後用，按摩完要等佢吸收三分鐘，再繼續其他護膚程序，呢個並吾係爽膚水，所以用完都係要用爽膚水！但唯一嘅缺點係太貴🤑

9. Peter Thomas Roth Water Drench Hyaluronic Cloud Serum($600/30ml):蘊含75％高濃度透明質酸複合物、天然保濕因子及豐富礦物成分，有效為肌膚築起全天候保濕薄膜，無間斷注入極潤水分至肌膚底層，並深度強化肌底細胞含水量，預防肌膚水分流失，淡化乾紋及缺水紋；配方更加入蠶絲蛋白，以水解蠶絲萃取進一步柔軟肌膚，質地水潤得水一般輕盈好吸收，令肌膚散發水潤光澤。(參考ublog-Katerina) 👉🏻用左佢一段時間，覺得佢嘅保濕能力都吾算好強，但質地都吾算好潤，適合香港夏天嘅天氣，但我都仲未搵到啱自己嘅保濕精華，有冇人可以介紹俾我😭😭😭

以上就係我夜晚會最常用到嘅護膚品，希望你地中意我甘詳細嘅分享啦❤️❤️
#Skincare護膚品潔膚精華面霜爽膚水