旺角樓上Cafe鋪真係好多，其中我最鍾意去首選一定係Station 3 第三站🍹呢度裝修以白色主題為主，而且座位主要係沙發卡座，坐得舒適之餘食物質素仲好好添。所以我時常會帶朋友嚟幫襯😋

今日我哋揀咗兩個晚餐仲有D小食一齊開心share，呢度晚餐價錢公道，晚餐系列所有套餐仲會贈送$38飲品，最鍾意嗌呢度嘅朱古力系列，真係好好飲㗎！

#意式芝士焗肉醬闊條麵 $98

呢度嗰闊條麵絕對可以滿足到大胃王嘅胃口😆滿滿一大盆香噴噴嘅肉醬闊條麵，加埋軟綿綿嘅芝士醬，誘惑度簡直係一百分💯呀！而且闊條麵keep到彈牙零發脹，真係好考廚師功夫👍so so yommy❤️

#卡邦尼煙肉雜菌意粉 $102

呢度個卡邦尼意粉真係百吃不厭！😋creamy得來夠哂多，保證每一條意粉都可以掛滿醬汁，實在太美妙了！而且我鍾意呢度啲煙肉剛剛熟，仲keep到軟身嘅質感，加埋頂頭一層非常大方嘅芝士，真係好鬼正！

#日式餃子 $36

呢度個日式餃子🥟炸到個表皮有少少脆，還加了章魚小丸子個醬汁令到佢酸酸甜甜，仲加咗我最鍾意食嘅紫菜，真係超好味食唔停㗎！超推介一定要試！

#蜜糖雞翼 $52

好鍾意食呢度啲雞翼！原隻慢慢烤，烤到啲雞翼脹卜卜， 塊皮帶少少脆身，而且有勁多蜜糖汁，一咬落去同埋肉汁混為一齊，超級正！而且雞肉keep到好嫩滑，又係好味到停唔到口㗎！雞翼控必試！一定鍾意❤️

#焦糖朱古力🍫

通常我都會加幾蚊轉飲特飲，呢度個焦糖朱古力好味㗎 ！有朱古力味有焦糖味好平衡！味道又唔會太甜，剛剛好仲可以頂下甜品癮潻㗎！



*第三站 Station 3 Cafe*🍹

地址：旺角洗衣街39號金雞廣場25樓08-09室